للأسف الشديد احنا ما نصدق نخلص من مشكلة الا تليها مشكلة أكبر منها..
لي متى واحنا قاعدين نهتم بسفاسف الأمور ... وننسى
سعر النفط وصل 40 دولار ونازل بنزول ومحد تكلم.. ثاني أكبر بنك بالكويت يخسر 1.4 مليار دولار ومحد حاسب المسبب.. خدمات تعبانة .. رشاوي وفساد وحتى بالكرة منتخبنا ما راح يعلب خليجي 19 وغيرها وغيرها.
والحين ::
نائب يطالب بحل البرلمان حل غير دستوري ومخضرم ساسي يطالب من الحكومة بتهميش واقصاء منافسينهم الاسلاميين وآخرين ما همهم الا اغلاق اليوتيوب تنه كل المشاكل الأخلاقية سببها اليوتيوب..
نائب يطالب باستجواب رئيس الحكومة لانه عطا جناسي حق ناس ما يستحقون ولما سحب الجناسي نائب ثاني يطالب باستجواب رئيس الحكومة ليش سحب الجناسي؟؟؟!!!دوامة مالها اول ولا اخر
لجنة البدون والمرأة وغيرها ما تمر بجلسة الافتتاح .. وبعدين بعد مخاض وسجال تقر بالجلسة الثانية.. وين النتظيم وتوحيد المواقف الي كان النواب يسونه في مزارع الوفرة والعبدلي؟؟؟!!
والله حالة..امم تتقدم واحنا.....
امريكا رئيسها يصير اسود
وروسيا ردت هيبتها
وحتى الصوماليين صاروا يهددون تجارة العالم
واحنا ما نقدر الا على نفسنا......
هذا المجلس ما صارله سنة ومهدد انه يحل...
شنو كل يوم نروح ننتخب
والله احسن شي يسون انتخابات كل سنة ..الجرايد تستفيد الناس تاكل بوفيهات كل يوم ونسمع حجي حلوا وسب بالحكومة ...
الله يستر من الأيام الياية
على كل خل ننطر الأيام الياية وان شالله تحل الأزمة
خلاص ملينا صراخ نبي تنمية
دول أقل منا يشتغل بصمت واحنا ؟؟!! نتحجه والشغل عال العال
المشاركات
